බැරලෝහ මිශ්ර අපිරිසිදු ජල පරිභෝජනය හේතුවෙන් අප මාතෘභූමියේ ප්රදේශ ගණනාවක පැතිර යන වකුගඩු අක්රීය වීමේ මාරාන්තික රෝගයෙන් පීඩාවට පත් අපේ ම සහෝදර ජනතාවගේ ජීවිත ඉන් සුරක්ෂිත කරනු පිණිස, මහමෙව්නාව භාවනා අසපු සංචිතයත්, ශ්රද්ධා රූපවාහිනියත් මඟින් ක්රියාත්මක කරන 143 වන පිවිතුරු පැන් පූජා පුණ්ය ව්යපෘතිය වූ දකුණු මහතැන්නේගම පානීය ජල ව්යාපෘතිය ජනතා අයිතියට පත් කිරීමේ පුණ්ය මහෝත්සවය අතිපූජනීය මහා සංඝරත්නයේ ආශිර්වාද මධ්යයේ ගුවන්තොටුපල හා ගුවන්සේවා (ශ්රී ලංකා) (පුද්ගලික) සමාගමේ සභාපති මේජර් ජනරාල් (විශ්රාමික) ජී.ඒ චන්ද්රසිරි මහතාගේ ප්රධානත්වයෙන් 2023 දෙසැම්බර් මස 10 වන දින පැවැත්විණි.
මෙම ජල පිරිපහදු මධ්යස්ථානය සඳහා මූල්ය දායකත්වය දරනු ලැබුවේ ගුවන්තොටුපල හා ගුවන්සේවා (ශ්රී ලංකා) (පුද්ගලික) සමාගමේ සේවා වනිතා ඒකකය විසිනි.
ජීවිතය දන්දීම හා සමාන වූ මේ උතුම් පින්කම මඟින් රැස්වන සියලු පින් අපගේ ගුරුදේවෝත්තම පින්වත් ලොකු ස්වාමීන් වහන්සේටත්, මහමෙව්නාව භාවනා අසපුවාසී , ලෝවාසී පින්වත් මහා සංඝරත්නයටත් අනුමෝදන් වෙත්වා! සුවසේ ම උතුම් චතුරාර්ය සත්ය ධර්මය අවබෝධ කිරීමේ වාසනාව උදා වෙත්වා!
එමෙන් ම මෙම ජල පිරිපහදු මධ්යස්ථානය තැනවීම සඳහා මූල්ය දායකත්වය දැක් වූ ගුවන්තොටුපල හා ගුවන්සේවා (ශ්රී ලංකා) (පුද්ගලික) සමාගමේ සභාපති මේජර් ජනරාල් (විශ්රාමික) ජී.ඒ චන්ද්රසිරි මැතිතුමාටත් ගුවන්තොටුපල හා ගුවන්සේවා (ශ්රී ලංකා) (පුද්ගලික) සමාගමේ සේවා වනිතා ඒකකයේ සියලු මහත්මීන්ටත් ඉඩම සහ ලිඳ පරිත්යාග කළ රංජිත් ප්රියන්ත මහතාට සහ සිවිල් ආරක්ෂක දෙපාර්තමේන්තුවේ අධ්යක්ෂ ජෙනරාල්තුමා ඇතුළු සිවිල් ආරක්ෂක දෙපාර්තමේන්තුවේ සියලු දෙනාටත්, ඉදිකිරීම් කටයුතු සඳහා උපකාර කළ ගම්වාසී සියලු දෙනාටත්, දැකබලා සතුටුවන සුපින්වත් ඔබ සැමටත් එකසේ අනුමෝදන් වෙත්වා! මේ ගෞතම බුදුසසුනේ දී ම උතුම් ධර්මාවබෝධය කිරීමේ වාසනාව උදාවේවා..
මෙම ජල පිරිපහදු මධ්යස්ථානය මහමෙව්නාව අසපු සංචිතය, ශ්රද්ධා රූපවාහිනිය, ලක්විරු ගුවන්විදුලිය, සිවිල් ආරක්ෂක දෙපාර්තමේන්තුව හා කැලණිය විශ්වවිද්යාලීය රසායන විද්යා අංශය එක්ව ඉදිකරන ලදී. මෙම ජල පිරිපහදු මධ්යස්ථානය සඳහා මූල්ය දායකත්වය දරනු ලැබුවේ ගුවන්තොටුපල හා ගුවන්සේවා (ශ්රී ලංකා) (පුද්ගලික) සමාගමේ සේවා වනිතා ඒකකය විසිනි.
