The Names Of Donors
වෛද්‍ය කීර්ති ඒදිරිසිංහ මහතා, වෛද්‍ය රිද්මා රන්වල සහ කලණ මිතුරු සියලු දෙනා
Description
බැරලෝහ මිශ්‍ර අපිරිසිදු ජල පරිභෝජනය හේතුවෙන් අප මාතෘභූමියේ ප්‍රදේශ ගණනාවක පැතිර යන වකුගඩු අක්‍රිය වීමේ මාරාන්තික රෝගයෙන් පීඩාවට පත් අපේම සහෝදර ජනතාවගේ ජීවිත ඉන් සුරක්ෂිත කරනු පිණිස, මහමෙව්නාව භාවනා අසපු සංචිතයත්, ශ්‍රද්ධා රූපවාහිනියත්, සිවිල් ආරක්ෂක දෙපාර්තමේන්තුවත් මඟින් ක්‍රියාත්මක කරන ශ්‍රද්ධා පිවිතුරු පැන් පූජා පුණ්‍ය ව්‍යාපෘතිය යටතේ ලංකා සීනි සමාගම පැල්වත්ත - ජනාවාස 12/14 ඉදිකළ පානීය ජල පිරිපහදු මධ්‍යස්ථානය ජනතා අයිතියට පත් කිරීමේ පුණ්‍ය මහෝත්සවය අති පූජනීය මහා සංඝරත්නයේ ආශිර්වාද මධ්‍යයේ රාජ්‍ය අමාත්‍ය ගරු ශෂේන්ද්‍ර රාජපක්ෂ මැතිතුමා සහ රාජ්‍ය අමාත්‍ය ගරු ජානක වක්කුඹුර මැතිතුමාගේ සහභාගීත්වයෙන් 2021 ඔක්තෝබර් මස 30 වන දින පැවැත්විණි. මෙම අවස්ථාවට ලංකා සීනි සමාගමේ සභාපති ගරු ජනක නිමලචන්ද්‍ර මහතා, ලංකා සීනී සමාගමේ ප්‍රධාන විධායක නිලධාරී/අධ්යක්ෂක ගාමිණී රාසපුත්‍ර මහතා, ලංකා සීනී සමාගමේ පැල්වත්ත ඒකකයේ ප්‍රධානමෙහෙයුම් නිලධාරී මේජර් වජිර කුමාරතුංග මහතා සහභාගී විය.
මෙම ජල පිරිපහදු මධ්‍යස්ථානය සඳහා දායකත්වය දරන්නේ
වෛද්‍ය කීර්ති එදිරිසිංහ මහතා, වෛද්‍ය රිද්මා රංවල මහත්මිය විසිනි.
ජීවිතය දන් දීම හා සමාන වූ මේ උතුම් පින්කම මඟින් රැස්වන සියලු පින් රැස් වූ සියලු පින් අපගේ ගුරුදේවෝත්තම පින්වත් ලොකු ස්වාමීන් වහන්සේටත් මහමෙව්නාව භාවනා අසපුවාසී පින්වත් මහා සංඝරත්නයටත් අනුමෝදන් වෙත්වා! සුවසේම උතුම් චතුරාර්ය සත්ය ධර්මය අවබෝධ කිරීමේ වාසනාව උදා වෙත්වා! එමෙන්ම මෙම ජල පිරිපහදු මධ්‍යස්ථානය තැනවීම සඳහා දායකත්වය දැක් වූ සුපින්වත් සියලු දෙනාටත් ඉදිකිරීම් කටයුතු සිදුකරන සිවිල් ආරක්ෂක දෙපාර්තමේන්තුවේ අධ්යක්ෂක ජෙනරාල්තුමා ඇතුළු සිවිල් ආරක්ෂක දෙපාර්තමේන්තුවේ සියලු දෙනාටත්, දැකබලා සතුටුවන සුපින්වත් ඔබ සැමටත් එකසේ අනුමෝදන් වෙත්වා! මේ ගෞතම බුදුසසුනේ දී ම උතුම් ධර්මාවබෝධය කිරීමේ වාසනාව උදාවේවා..!
